Mübadele, İmar ve İskân Kanunu
Bu mevzuat TBMM Başkanlığının internet sitesinden alınmıştır. Bkz.
Kanun Numarası: 368, Kabul Tarihi: 28 Rebiyülevvel 1342
Birinci Madde- Mübadele, imar ve iskân vekâleti mübadelei ahali mukavelesine tevfikan ahalinin nakil, ibate ve iskânlarına ve bunlardan ihtiyacı tahakkuk edenlerin iskele ve yollarda ve iskânlarından itibaren âzami iki ay olmak üzere mahallerinde iaşelerine ve 1328 senesindenberi iskân muamelesi görmemiş olan muhacir ve mültecilerle aşairin ve badema Hükümetçe kabul edilecek muhacirinin ve tahrip edilmiş mahaller ahalisinden meskenleri ihrak ve hedmedilmiş olanların iskân ve terfihlerine ve iskân nımtakalarmın tâyinine ve memleketin harap olan mahallerinin imarı vesailiııi ihzar ve temine memurdur.
İkinci Madde- Mübadele, imar ve iskân umuruna müteallik kâffei hususatta İmar vekâleti indelhace mülkî ve askerî vesait ve teşkilâtı umumiyei Devletten âzami surette istifadeye salâhiyettardır.
Mübadele, imar ve iskân hususatma müteallik İmar vekâleti tarafından vâki olacak tebligatı her işe tcrcihan ifaya bilûmum mülki ve askerî memurini Devlet mecburdur. Bu bapta tekâsül veya taallül gösterenler imar vekâletinin vekâleti aidesinden talebi üzerine işten el çektirilerek taht ı muhakemeye alınır ve mütecasirleri hakkında temas ettiği maddei kanuniyedeki en ağır ceza tatbik olunur.
Üçüncü Madde- Mübadele, imar ve iskân vekâleti vezaifinin ifası hususunda icap eden yerlerde memurini mahalliye ile idare ve belediye azalarından veya sair icap edenlerden mürekkep olmak üzere lüzumu kadar tâli heyetler intihap ve teşkiline salâhiyettardır.
Dördüncü Madde- Şimdiye kadar Sıhhiye ve muaveneti içtimaiye ve kaleline merbut bulunan iskân müdiriyeti ilga edilmiştir. Bu müdiriyetin ve mülga Dahiliye nezaretine merbut İskânı aşair ve muhacirin müdiriyeti umumiyesinin bütün hidemat ve vesaiki ile levazımı Mübadele, imar ve iskân vekâletine devredilmiştir. Muaveneti içtimaiye bütçesinin işbu teşkilâta karşılık olarak kanunun tarihi neşrinde mevcut bulunan bakiyei muhassasatı mevkuf tutulacaktır. Bu tarihe kadar iskân umuruna ait olarak ifa edilmiş olan hidematı mukabili mezkûr mevkuf attan tediye olunur.
Beşinci Madde- Mübadele, imar ve iskân vekâleti tarafından bütçesin mahsuben talep olunacak mebaliğ Hazinei maliyece nakden ve defaten vekâlet mezkûre emrine olarak avans suretiyle tevdi olunur. Bu maksatla Maliye vekâleti üç milyon liraya kadar icap ettikçe müessesatı maliyede avanslar akdine mezundur.
Altıncı Madde- Mübadele, imar ve iskân vekâletinin tahsisatında vukubulacak taahhüdat ile verilecek avanslar bilâhare usulü dairesinde hesap Divanı muhasebata verilmek üzere TTsıılü muhasebei umumiye kanununun 11.32, 34 ncü maddeleri ahkâmından müstesnadır.
Yedinci Madde- Maaş ve masrafları mübadele, imar ve iskân masarfi umumiyesi faslından verilmek üzere mübadele, imar ve iskân umuru içi lüzumu kadar mütehassıslar celp ve istihdamına ve indelhace bu bapta tetkiki icrası için icap eden mahallere memurini mahsusa izanıma ve hidematı muvakkate için lüzum görüldükçe ücretli memur istihdamına Mübadele, imar ve iskân vekâleti salâhiyettardır.
Sekizinci Madde- İhtiyaç görüldükçe Mübadele ve iskân ve imar vekâletince vâki olacak talep üzerine bilûmum gayrimenkul emvali metruke vekâleti mezkûre emrine verilir. Mübadele ve imar ve iskân vekâleti bilûmum gayrimenkul emvali metrukenin muhacirin ile düşman tarafından meskenleri tahrip ve ihrak edilen muhtaciııe tahsis ve tevziine ve bu emvalden elyevm isticar ve suveri saire ile eşhası salise tarafından meşgul olanlarını idareten tahliyeye salâhiyettardır. İşbu tahliyeden feshi icar suretiyle mutazarrır olanlar bulunduğu surette Maliye vekâleti takdir olunacak zararı vâkıı mahakime müracaata hacet kalmaksızın emvali mezkûrenin hesabı carisinden tesviye edecektir. Zarar ı mezkûrun takdiri mahallî en bü.vük idare memurunun riyaseti altında Mübadele, imar ve iskân vekâletince tâyin olunacak iki ve belediyece tâyin edilecek diğer iki ehlihibreden mürekkep komisyona aittir. Bu komisyonun kararları kabili istinaf ve temyiz değildir.
Dokuzuncu Madde- Emvali metruke müstecirleri tarafından berveçhi peşin verilmiş bedelâtı icareden tarihi tahliyeye kadar işlememiş bulunan miktar bilhesap Maliye vekâleti tarafından müstecirlere iade olunur. Müstecirler tarafından mecura ilâve edilmiş ziyadei muttasıla varsa maddei sabıkada muharrer komisyon marifetiyle bedeli takdi r edilerek kezalik Maliye vekâletince tesviye olunur.
Onuncu Madde- 1328 senesi iptidasından sonra yerleştirilmiş olan muhacirini iki sene zarfında hal ve sanatlarına göre icap eden manatıka nakil vo iskâna Mübadele, imar ve iskân vekâleti salâhiyettardır.
On Birince Madde- Tahrip edilen yerlerin ve iskân mmtakalarmm imarını temin için Devletçe irae olunacak teminat mukabilinde bir İmar bankası tesisine Mübadele, imar ve iskân vekâleti mezundur.
On İkinci Madde- 1328 senesinden beri yeniden inşa edilmiş ve edilecek akarat 1340 senesinden itibaren 1344 ve mesakin 1340 sonesinden itibaren 1349 senei maliyeleri nihayetine kadar emlâk ve müsakkafat vergisinden muaftır. Bu muafiyet ahvali harbiye dolayısiyle harap olan mahallerde 1334 senesinden itibaren yeniden inşa edilen mebaniye de şâmildir. İdarei hususiyelerle belediyelere ait hisse muaf değildir.
On Üçüncü Madde- Türkiye’de mebani inşasım taahhüt eden şirketlerin ve müessesatm inşaat bedelinden dolayı efrat uhdesindeki alacaklarını lüzumunda Tahsili emval kanunu mucibince tahsile ve ledelicap Hükümet tarafından taht ı zamana almağa Hükümet mezundur. Bu suretle inşa edilen mebaniyi bedeli inşaattan dolayı bilmüzayede satıldığı takdirde inşaat şirketleri ve müessesatı teferruğ etmek hakkını haiz değildir.
On Dördüncü Madde- Düşman tarafından tahrip edilen mahallerdeki yıkılan fabrika ve tezgâhların yeniden ihya ve tesisi zımnında getirilecek makine ve alât ve edevat gümrük resminden muaftır.
On Beşinci Madde- Mübadele, imar ve iskân vekâleti müfettişlerinin harcırahı 10 teşrinisani 1335 tarihli kararnamenin birinci maddesinde tadat olunan müfettişler gibi hesap edilir.
On Altıncı Madde- Mübadele, imar ve iskân vekâleti memurluklarına tâyiıı edileceklerin mesleklerine ve mensup oldukları vekâletlere olan merbutiyetleri baki ve hakkı kıdem ve terfileri mahfuzdur.
On Yedinci Madde- Düşman tarafından tahrip edilen mahallerde ashabı emlâk ve araziye işbu kanunun neşrinden itibaren iki sene zarfında müracaat ettikleri takdirde hakkı tasarrufları sabit olmak şartiyle bir defaya mahsus olmak üzere meccanen tasarruf senedi verilir.
On Sekizinci Madde- işbu kanunun suveri tatbikıyesi ayrıca tanzim olunacak talimatnamelerle tâyin olunur.
On Dokuzuncu Madde- İşbu kanun tarihi neşrinden itibaren meriyülicradır.
Yirminci Madde- İşbu kanunun icrasına Mübadele, imar ve iskân ve Maliye vekilleri memurdur.
Bir Cevap Yazın